Papptöller – wat is dat denn?

De Heimatbund in Snevern hett dat al enige Johrn achter sik. De hebbt sik een mobilen Geschirrspöler boet. Nur de Afwaschmaschien up een lütten Lkw sett – so eenfach wöör dat natürlich nich. Dit Fohrtüüch ward dit Johr dörtig Johr old und löppt noch. Enige Snevern Raatslüüd harrn den Heimatbund up en Fest as en Ümweltverschmudder wegen den groten Verbruk vun Pappteller und Plastikbestecke anprangert. Na disse Veranstalten würr Porzellangeschirr un „richtige“ Bestecke inföhrt. Aver wokeen beschick den Afwasch? Dat weer bi de nächste grote Veranstalten up‘n Theeshoff. Nu sprüngen de Raatsmitglieder mit in. Et is Sünndag, dat Afwaschen nöhm jüst keen Enn un wöör doch teemlich nervig.

Disse praktische Erfohrung bröch en Insehn; de Lüüd vun Raat bewilligten en nee Kökenspöölmaschien. De Vörstand vun Heimatbund meen, een Geschirrspööler för nur twee Veranstalten, dat is us tominn. Man müss en‘n fohrboren Ünnersatz hebben, üm mehr to maken. So keem dat een Slosser bi en Karrosserieboer en oolen Verkööpswagen opdrieven dee. De Ümboarbeiten hebbt mehrere Fachlüüd dürchtrocken. De Sporkass un de Stadtverwaltung ünnerstützen dütt eenmalige Projekt finanziell.

Nu is de „Saubere Heinrich“, ditt Spöölmobil is na den Konstrukteur nömt, teemlich foken ünnerwegens. De erste Insatz wöör 1993 up en greune Hochtiet in Lünzen. Anfordert warrt he to Vereens- un Schützenfeste, Geboortsdaag, Verkööpsveranstalten oder ok bi de Daag „De openen Döörn“ un andere Begevenheiten.