Wer kann dat betahlen?

„Also, rieke Lüüd köönt Auto föhren as se wüllt?“, fraagt en Jung. Se stockt kort un seggt: „Ja, und arme Lüüd köönt ok so veel Auto föhren as se wüllt.“ „Aver se hebbt doch gor nich so veel Geld“, men de Jung. „Dat stimmt“, mutt Baerbock togeven. „Also, gerecht is dat nu nich“, men de Jung nadenklich. Darop Baerbock: „Finnst du nich?“ Kortet antern: “Ne.“

Mutt en Kind verkloren, wat recht is? Dat de Armen nich so veel Geld hebbt, um reine Autos to köpen, hett de Ministerin seker sülven weten. Aver harr se seggen schöölt, dat de Lüüd sinnvulle Wies för dat Klimaredden överhaupt keen Auto mehr föhren schölen? Dat harr ehre Utföhrungen doch orrig stört. Ümmerhen – keene Autos, keene klimaschäädlichen Afgase, keene neen Straten. Dorför mehr apentlichen Neeg- un Feernverkehr? Dat wöör to schöön! Aver harr se denn ok nich noch vun de Bundsbahn vertellen müsst, de över Johrteihnte henrut en unpünktliche, düre Bostell blieven warrt? Un dat ok Gefohren bi de Ümstellung up Elektromobilität gifft? Weniger Autos bedüd ok weniger Arbeitsplätz. Un dat China all lang den weltwieten Markt vun Batterien kontrollert? Un dat wi us na de dramaatschen Klemmpäss bi Heelmiddel ut China keene wieteren Afhängkeiten ut dit Land leisten köönt? Uns Minister för Weertschop un Klimaschuul hett vele Huusbesitter en Upwaken mit Wehdaag beschert. De Lüüd schöölt up Warmdepumpen ümstellen. För dissen bannigen technischen Ümbo is Düütschland noch lang nich praat. Wo kaamt de velen Techniker för Montage un Ümbo her? Wo kaamt de Wärmdepumpen för 20 Millionen Gebüden in Düütschland her?

Köönt dat al de dat angeiht finanziell stemmen? Männicheen hett dor kene Problemen mit, en Ümstellen vun jümmer Gas- oder Öölböteree up en Pumpensystem to bewarkstellen. Un de annern? Veele Besitter vun Eenfamilienhüüs mööt jümmer Gespoortet angriepen, dat villicht för late vörsehn is. Vele warrt Schulden maken möten. „Also, gerecht is dat nu nich“, men de lütte Kritiker an de Utenministerin. Wat bi de E-Autos passt, passt ok hier.