Mien treuen Jagdhund

Dorto möt ek ne lütje Geschichte berichten, dorop kann man nicht ob verzichten. Dat is kien Jägerlatein, disse Story bi us in Kreis vor korten stattfund, de handelt sik um de grode Liebe twischen Minsch un Hund.

Mien Freund is een leidenschaftlicher Jäger, un wenn de op Jagd geiht, is he glücklich un froh, ober to´n goden Jäger gehört ok een jagdboren Hund mit to. Deswegen het he sik ok düren Hund kofft, vör veel Geld. Jetzt gungen de Beiden tosommen op Jagd, wat wär he immer best gestellt.

Ok in Hus wär sien Hund immer neben den Herrn, dat ist veel wert, und dorbi is obends in de Stuuv folgendes Malheur passeert. At mien Freund nu obends im Bett leg, full em plötzlich in un he kunnt nicht foten, verdammt ek heb jo in Stuuv up‘n Tisch, bi´n Hund, Tofel Schokolode legen loten. Schokolode is Gift vör de Hunde, dat mut man sägen, denn dor in is Koffein un Theobromin, dat künnt Hunde nich verträgen.

Mien Freund is nun gau ut Bett rut un in de Stuuv lopen, de Hund wär noch beten an kauen, daat Schokolodenpapier leg up´n Footbodden. He het jetzt gau den hiesigen Tierarzt anropen in siene Not, de meldete sik ober nich mehr, wat mok ek jetzt blot?

Nu kem em „Gott sei Dank“ noch in Sinn, fohr ek gau mit denn Hund in Auto no Oldenburg no denn tierärztlichen Notdienst hen. Dor is de Hund nu ok gau good behandelt wurden, un he muss 200 Euro Behandlungsgebühr betolen.

Hebt en ober nu dringenden Rot geben, he muss sien Hund in de nächsten 24 Stunden immer inne Ogen beholen. At he nun nachts woller to Hus wär, het he sien Feldbett bi sien Hund in de Stuuv upbot un bi den Hund schlopen.